الجلسات الشخصية هي مساحة مخصصة إلك، مساحة نشتغل فيها على تحدّي أو هدف معيّن بحياتك — سواء كان بشغلك، بعلاقاتك، بنفسيك، أو على أي شي بحياتك حابب/ة تشتغل/ي عليه. ممكن تيجي على اللقاءات وانت/ي عارف/ة شو بدّك، وممكن كمان من خلال اللقاءات نفسها نفهم ونوضّح التحدّي اللي حابب/ة نشتغل عليه.

​

راح نبحث مع بعض شو الاشي اللي مانعك توصل/ي للمكان اللي بدّك اياه؟ هل هي معتقدات عم بتقيّدك؟ أو مشاعر من الماضي بعدها عالقة؟ أو ضجّة بالراس وحاسس/ة باللخبطة؟ أو ممكن يكون أي شي تاني حابب يطلع ويعبّر في هذه المساحة.

​

عملية البحث بتصير من خلال بعض الأسئلة اللي بتساعدنا نفهم المحركات الداخلية تبعتك. أحياناً ممكن أوجهك بتأملات عشان تتصل/ي بشكل أعمق مع العقل الباطني. او ممكن نعمل شغل مع الجسد، لأنه الجسم بحمل جزء كبير من اللاوعي تبعنا.

​

هدف المكالمة الاستشارية إنك تحس/ي فيي وتشوف/ي إذا بتحب/ي نشتغل سوا. بدون دفع، بدون التزام، بس نتحاور شوي وتشوف/ي إذا جاهز/ة تبدأ/ي هذه الرحلة.​